ماذا تعرف عن الموجات الكهرومغناطيسية؟

                     

ما هي الموجات الكهرومغناطيسيه؟
هي موجات تنتج من تعامد المجال الكهربي و المجال المغناطيسي ... بمعنى ؟!
بمعنى أن المجال الكهربي له تأثير مغناطيسي و العكس المجال المغناطيسي له تأثير كهربي

يعني مثلا الشحنات الكهربية الموجبه و السالبه داخل ذرات العناصر تنبعث منهم طاقه أثناء تفاعلهم مع بعضهم البعض كيميائيا أو نوويا و أثناء هذا هناك اشعه كثيره تنطلق و خاصة التفاعل النووي و من أهمها الموجات الكهرومغناطيسية التي تنطلق على اكثر من صوره من الاشعه حتى عند مرور تيار كهربي خلال الأسلاك الكهربية تكون محاطه بالموجات الكهرومغناطيسية

تمام كلام جميل طيب ايه هي صفات هذه الموجات ؟
هي موجات قويه لها تأثير فعال في حياتنا ليس لها كتله أو شحنه و لا تحتاج إلى وسط مادي مثل الهواء . الماء أو الاجسام الصلبه لتنتقل خلالها و علشان كده تقدر تنتقل خلال الفراغ (الفضاء) سرعتها تساوي سرعة الضوء و هي
 M/sec   10^8 x 3
يعني ٣٠٠ الف كم /ساعه و هي لها طبيعه جزيئيه و موجيه معا حسب قانون ماكس بلانك
 قال ايه ماكس بلانك:-  الضوء بيتحرك على شكل طاقه موجيه و لها معدل تتحرك به اسمه التردد بمعنى درجه اهتزاز الموجات
 و هي بتهتز و تتحرك يتكون مع انتشارها جزيئات صغيره جدا اسمها فوتونات
طيب الموجات دي زي ايه ؟🤔☺
زي الضوء المرئي الي بنسميه الوان الطيف من الأحمر لحد البنفسجي بيتدرج بزياده التردد الموجي و نقص طول الموجه ... بس كده ؟لا طبعا في كمان موجات غير مرئيه قبل الاحمر مثل الاشعه تحت الحمراء و الميكروويف و موجات الراديو و الأكبر من البنفسجي زي الاشعه فوق البنفسجيه و اشعه x و جاما
طبعا كل الموجات الكهرومغناطيسية بأنواعها ليها اهميه عظيمه في حياتنا يعني الكهربا الي أصبحت مكون أساسي ليومنا و عملنا و حياتنا داخل البيت و خارجه تعتمد على الموجات الكهرومغناطيسية و تستخدم الاشعه الموجيه دي في الطب و الصناعه و حتى الزراعه بس طبعا بنسبه معينه لانها قويه و سريعه جدا أسرع حاجه في الكون علشان كده ليها خطوره كبيره .. ،😴🙄
لو بصيت على الشكل البياني هاتلاقي أنهما موجتين مستعرضتين متعامدتين على بعضهم البعض أحدهما مجال مغناطيسي و الثاني مجال كهربي ....
واخيرا  هانوصل لما يتكلم عنه علماء الطاقه حاليا .. سمعت قبل كده عن حكايه الهاله الي بتحيط بالإنسان ، زي انك تقول الشخص ده وشه منور أو التاني وشه مضلم و يسبب الضيق !!في نظريه بتقول ان نوع الاكل الي بنأكله و المشاعر الي بتدور في عقلنا و تتفاعل مع اجسامنا ينتج عنها موجات كهرومغناطيسية تحيط بالجسم لها قوه معينه و هي التي تعطيك الاحساس بالراحه أو الضيق تجاه شخص ما عندما تقترب منه و تدخل منطقته الموجيه التي تحيط به .. طبعا هاتقول ايه الكلام الفارغ ده عموما ده مجرد رأي يتفق معه بعض العلماء و لديهم الدلائل على صحته و البعض الاخر يعترض عليه و له دلائل تدعم رفضه له و في الاخر و الخلاصه أن الموجات الكهرومغناطيسية .....
مهمه جدا و تشكل حياتنا بشكل كبير فهي تحيط بنا من كل  مكان تأتي من الفضاء، من العناصر التي نستخدمها . و الاجهزه التي تحيط بنا  كل شئ يعتمد عليها ... و لا انتم رأيكم ايه ؟؟💎🌼🌼🏵

أهم عشرة علماء من النساء في تاريخ العلم الحديث (2)

 

مساء الورد على كل اصدقائنا 

الى زي الورد و الياسمين

اتأخرت عليكم ؟ .... النهاردة هانكمل قصة اهم عشرة عالمات في تاريخ العلم الحديث ..........😊👍👀

5- ماريا ميتشل (1818- 1889 )

ماريا تعلمت مراقبة النجوم من ابيها. كان والدها يدرس للصغار كيفية مراقبة النجوم و استخدام التليسكوب العاكس و طبعا ده لفت انتباه ماريا جدا و اوقعها في حب علم الفلك .

لما بقى عمرها 12 سنة ساعدة والدها في تسجيل وقت حدوث ظاهرة كسوف الشمس و لما وصلت لسن 17 سنة بدأت دراستها في مدرسة البنات و تعلمت العلوم و الحساب 

ماريا انطلقت بعدها بسرعة الصاروخ في مشاهداتها و استحقت لقب عالمة فلك امريكية و خاصة بعد ما سجلت مشاهدتها لمذنب على شكل خط ضباي من التلسكوب التي تستخدمه في ملاحظتها 

تم تكريمها على مستوى العالم و حصلت على الميداليات من ملك الدنمارك و اصبحت اول امرأة تلقي المحاضرات في اكادمية الفنون و العلوم في امريكا 

كرست حياتها للعلم و اصبحت اشهر فلكية بأمريكا و من ضمن مشاهدتها العظيمه تسجيلها لظاهرة الكسوف و قد سافرت اميال طويلة لتسجيل و مراقبة الكسوف 👌👀

6- ليز ميتنر (1878-1968)

ليز انتهت من دراستها في سنة 14 سنة و للاسف في النمسا النساء كانت ممنوعه من تكملة دراستها بالجامعة لكن ليز كانت شغوفه جدا بما توصل اليه هنري بيكريل في دراسة النشاط الاشعاعي لليورانيوم و قررت تتعمق في دراسة 

النشاط الاشعاعي للعناصر و كلمت ماري كوري لكن لم تجد مكان في معمل باريس اثناء كده فتحت الجامعه في النمسا الباب للنساءعلشان يلتحقوا بها و قد كان 

 بعد فترة انطلقت على المانيا لكن كونها نمساوية يهودية تم استبعادها من المعمل الرئيسي و المحاضرات و لم يكن يسمح لها بالعمل الى في بدروم ملحق بمعمل الجامعه و لكنها اكملت دراستها و ابحاثها المشتركة مع العالم اوتو هان 

 اضطرت  بعد فترة ان تهرب من المانيا الى السويد بسبب النازية الالمانية 

لكن ده لم يحبطها بالعكس استمرت في ابحاثها و تجاربها ومع العالم هان الذي توصل بمساعدتها الى ان نواة اليورانيوم يمكن ان تنشطر عند قذفها بجسيم النيترون و قامت ليز بحساب الطاقة المنطلقة من الانشطار و اكتشفت انه يتكرر الانشطار اكثر من مره لتخرج طاقة عظيمه , اطلقت على التفاعل اسم التفاعل المتسلسل و ده الي ساعد على صناعة القنبلة النووية.

لكن للاسف نتيجه للظروف السياسية في هذا الوقت..  الحرب العالمية التانية و النازية في المانيا تم استبعاد ليز و حصل زميلها وحده على جايزة نوبل عام 1938 و استمرت ليز في ابحاثها باستكوهولم حتى عمر 80 سنه و لم تعود الى المانيا 💔✌

7- ايريني كوريه (1897- 1956)

ايريني البنت الكبيرة لماري و بيير كوريه و قد تبعت خطا والديها 👪👀👌

حصلت ايريني على الدكتوراه في دراسة اشعة الفا الناتجه من عنصر البولونيوم الذي اكتشفته امها في مؤسسة الراديوم بباريس و تزوجت بعدها من العالم فريدريك و تابعوا ابحاثهم حتى اكتشفوا النشاط الاشعاعي الصناعي و ذلك عن طريق قذف عناصر مثل الالومنيوم و الماغنسيوم و البرون باشعة الفا و تحويلهم الى نظائر النيتروجين و الفوسفور و السليكون 

حصلت ايريني و زوجها على جائزة نوبل و اصبحت هي و امها الثنائي من النساء الحاصل على جائزة نوبل في الكيمياء 

ماتت ايريني في عام 1956 نتيجة لاصابتها بمرض سرطان الدم (الوكيميا )

8 - باربرا ميكلينتوك (1902 -  1992)

كانت عالمه و متخصصه في دراسة علم النبات و و انتقلت بدراستها و ابحاثها خلال الجامعات كاليفورنيا و المانيا حتى استقرت بجامعة (gold spring harbor ) بنيويورك 

تابعت دراستها على التركيب الجيني لكروموسومات نبات الذرة و اكتشفت الجين المتنقل خلال نبات الذرة الذي ينقل الصفات خلال المادة الوراثيه ( الكروموسومات ) 

لكن اكتشافها لم يكن متناسب لما هو معروف عن الجينات في الفترة دي و تم تجاهل اكتشافها لكن هي لم تيأس و استمرت في تجاربها و ابحاثها لاثبات اكتشافها و بعد سنين اكتشفوا صحة ابحاثها لما تطورت التكنولوجيا الجزيئيه و الاجهزة الي ممكن تشوفها و تلاحظها و توصلوا الي الجين المتنقل الي اكتشفته بربرا ,يوجد في الحيوان و الانسان مش النبات بس

 حصلت بربرا على  جوائز كتيره من اهمها  جائزة نوبل 1983.

9- دورثي هوديكن (1910- 1994)

ولدت دورثي بالقاهرة - مصر لابوبن متخصصين في علم الاثار و قد ارسلها والدها لدراسة الكيمياء بانجلترا موطنهم الاصلي و كانت واحده من بنتين مع باقي الصبية بالجامعه لدراسة الكيمياء 

انتقلت بعد كده لجامعة اكسفورد لتكملة دراستها بالكيمياء و دراسة الاشعه السينية و كيفية استخدامها لتصوير الاجسام الدقيقة 

استطاعت دورثي اكتشاف ان الجزئ ثلاثي الابعاد باستخدم الاشعة السينية و قدرت كمان تصور و تحدد الشكل التركيبي لكثير من الاجسام الدقيقة و منها فطر البنيسليوم و البنسسلين و كمان تصور تركيب فيتامين B12 و تركيب الانسولين و حصلت بسبب اكتشافتها دي على جائزة نوبل عام 1964 

و في احتفالات المجمع الملكي للعلوم بمرور 350 عام على تأسيسه اعتبرت من اهم  ثلاث علماء تابعين للمجمع العلمي  اسحاق نيوتن و بينجمين فرانيكلين و زي ما انتم شايفين هي المرأة الوحيده في المجموعه المختاره 

10- روزيلاندا فرينكلين (1920 - 1958)

كانت من الفتيات المتفوقه و اصرت على دراسة علم الفيزياء و الكيمياء برغم رفض ابوها 

ذهبت لجامعة كامبريج و حصلت على الدكتوراه في الكيمياء الفيزيائية و تعلمت تكنيك التصوير باستخدام الاشعة السينية(x-ray )

,استطاعت انها تصور تركيب الDNA ,الا ان احد العلماء موريس ويكين عرض صورها 

على وطسن و كريك الى استطاعوا رسم شكل الحمض من خلال صور روزيلاندا وهي عبارة عن سلسله حلزونية على شكل مزدوج لولبي متصل بأجزاء بروتينيه على شكل خطوات السلم و حصلوا على جائزة نوبل نتيجة لاكتشافهم و تم تجاهل روزيلاندا و مجهودها الذي اوصل العالمان لاكتشافهما 

و لكن الان ينسب العمل لثلاثتهم بعد رد الاعتبار للعالمه العبقرية التي توصلت الى شكل الحمض من خلال صورها بالاشعه السينية 

ماتت روزبلاند بسبب مرض السرطان عن عمر لا يزيد عن 38 سنه 

اتمنى ان يكون المقال قدم لكم معلومات مهمه عن اهم عشرة عالمات في العصر الحديث 

و الى اللقاء مع موضوع جديد في العلوم لاصدقائي محبي العلوم 

أهم عشرة علماء من النساء في تاريخ العلم الحديث

عند الكلام عن العلماء النساء في العلم الحديث اول اسم هايجي في ذهنك هو ماري كوري و ده لانها اول امرأة تحصل على جائزتين نوبل في الفيزياء و الكيمياء بس الحقيقة في كتير من العالمات المناضلات في مجال العلوم 
و هنا هانذكر عشره منهن كان ليهم دور كبير في العلم الجديث 
1- ايميل دي كاتيل (1706- 1749)
كانت ابنة لرئيس المحكمة بفرنسا و تزوجت بواحد من الحاشية الملكية و في عمر 27 سنة بدأت في دراسة الحساب و تفرعت الى علم الفيزياء و شاركت الفليسوف فولتير و كان اهم المحبين للعلوم في زمنه دراسته في علم الفيزياء و اشتركوا مع بعض في دراسة فروع العلوم المختلفه داخل معمل خاص بعائلتها و بالتحديد الدراسة الخاصة بأهمية النار في الحياه و قامت بترجمة قوانين و نظريات اسحاق نيوتن للفرنسيه لانه كان عالم بريطاني قوانينه بتستخدم لحد دلوقتي طبعا زي ما احنا عارفين 
في عمر 43 تزوجت من ظابط عسكري و حملت منه و لكنها توفت اثناء ولادتها  للطفل

2- كارولين هيرسكل (1750- 1848)

كانت من اسره فقيره تكافح في خدمة اسرتها لدرجة انها اطلقت على نفسها اسم سندريلا و كانت عايشه في بيت بمدينة هانوفر بألمانيا 
طلب منها اخوها وليم ان تأتي لخدمته ببرطانيا كان بيعزف على الارجن هناك و بعدين قرر يدرس الفلك و يشتغل بيه وهي انتقلت معاه علشان تساعده و هناك في احد المراصد المهمه التابعه للمجمع الملكي بانجلترا درست الفلك و اشتركت مع اخوها في بناء تليسكوب كبير لرصد الفضاء و اثيتت براعتها و تفوقها بأكتشاف تجمعات نجميه و سديم بالفضاء و ساعدت اخوها في اكتشاف كوكب زحل و تصميم رسومات خاصه بالكوكب 
ده بالاضافه الي انها اول امرأة تكتشف حوالي 8 انواع من المذنبات في الفضاء و تنشر في كتاب اهم اكتشافاتها في الفلك ده بالاضافه الى انها كانت اول امرأة في عصرها تتكتسب من العمل في مرصد لاكتشاف الاجسام الفضائيه و بعد موت اخوها رجعت بلدها و عملت مرصد فلكي صغير خاصة بيها و كملت ابحاثها عن التجمعات النجمية و السدم و عاشت لحد ما بقى عمرها 97 و حصلت على الكثير من شهادات التكريم و الميداليه الذهبيه من المجمع الملكي للفلك

3- ماري اننينج (1799- 1847 )

كانت بتعيش في منطقة ساحلية بانجلترا و قد شاركها اخوها اكتشاف حفرية لهيكل عظمي لتمساح و اشتركت معاه في بيعه لاحد المتخصصين في جمع الحفريات و هي عمرها 11 سنة  بمبلغ محترم و بعد كده لما كبرت ركزت كل اهتمامها في البحث عن الحفريات الخاصة بالديناصورات و قدرت تلاقي جمجمه لاحد الديناصورات الي كانت بتطير و هياكل التماسيح في عصر الديناصورات و ساعدت العلماء في شرح و رسم هياكل الحفريات الي كانت بتلاقيهم و تبيعها ليهم و بالرغم من انها كان تعليمها بسيط الا انها علمت نفسها بنفسها علم التشريح و الجيلوجيا و علم الحفريات و كانت رحاله راحت مدن كثيرة للتنقيب عن الحفريات ووصلت لحد نيويرك في امريكا 

4- ماري سومرفيل (1780- 1872 )

كانت مفتونه بمحاور الرسوم البيانيه س و ص في علم الجبر و محبه لدراسته بس دراستها توقفت بجوازها من قبطان روسي لكن بعد موته رجعت لدراستها تاني و بقت جزء من الدوائر العلمية في الفترة دي و تعمقت في دراسة فروع الحساب و العلوم زوجها الثاني وليم سوموفيل شجعها علشان تكمل دراستها 
ماري انتقلت بعد كده للندن و انشأت مكان لتجمع كبار رجل العلم و الفلسفه و الادب في الفترة دي و بدأت تجاربها في علم المجال المغناطيسي و قدمت الكثير من الكتابات في علم الفلك و الكيمياء و الفيزياء و اشتركت في ابحاثها مع كارولين هيرسكل و ترجمت كتاب العالم الفرنسي سيمون لابلاس (ميكانيكية الفضاء ) الي الانجليزية الخاص بنظرية نشأت المجموعه الشمسيه و برغم انها ماكنتش مقتنعه بفكرته الا ان كتابها اعتبر مرجع لدراسة الفضاء خلال القرن كله و حصلت على تكريم من مجمع الفلك الملكي 

هانكمل تاريخ العالمات النساء المرة الجاية انتظرونا الى اللقاء مؤقتا 

كيف نشأت الحياه على الارض و كيف تطورت ؟الجزء الثالث

أزيكوا وحشتوني ... يا ترى فكرين اخر كلام قلناه عن نشأت الحياه على الارض؟
تعالوا نفتكر مع بعض كده .. احن قلنا بعد ما الارض اتغطت بالمياه و كونت المحيط الشاسع بدأت كمية من التفاعلات الكيميائية بين المواد التي كانت تملأ المحيط صانعه منه شوربة من خليط من المواد الكيميائية المختلفة و ده بالاضافه الا الطاقة الضوئية و الاشعة الكونية التي تأتي من الفضاء مع الانفجارت البركانية بدأت سلسلة من التفاعلات الكيميائية كونت الحمض الاميني الي كون البروتين و حمض الDNA ,و من هنا بدأت رحلة نشأت الحياه على الارض و تطورها
طيب السؤال دلوقتي احنا عرفنا الكلام ده منين ؟
لما نسأل السؤال ده عن الفضاء و مابه ممكن نقول بالمشاهدة و تطور اجهزة رصد الاجسام الفضائية لكن نشأت الحياه و تطورها عرفناها منين ؟
في حاجات كتير بعضها ليها ادلة واضحة و مثبته زي الحفريات (بقايا و اثار الكائنات الحية مدفونه في الصخور الرسوبية) الي وجدها العلماء و هما بينقبوا تحت الارض و في الجبال و الصخور
طبعا هاتقولوا  ان تكون الحفرية ليها شروط منها مثلا ان يكون ليها هيكل صلب يتحجر داخل الصخور المتراكمه عليه مع الزمن و الخلايا و المواد الكيميائية و بعض انواع من النبات و الحيوان ليس لها هياكل
وجهة نظر فعلا , سيبني اوضحلك الفكرة : في بعض الكائنات الرخوة الي مالهاش هيكل سابت بصمتها على الصخور الطبعه بتاعت شكلها و هي اتحللت من زمان و الطبعه دي ادفت بسرعة نتيجه لتغيرات كانت بتحصل على الارض فجأة في بداية تطورها لان الارض ماكنتش مستقرة زي دلوقتي و كان فيها براكين وزلازل و انقلابات مناخية تغطي الارض كلها بالجليد على طول و تستمر لفترات طويله
طيب ماشي الكلام ده مقنع لكن لسه في سؤال مهم الفترة الي حصل فيها التفاعلات الكيميائية و اتكونت فيها المادة الاولية للكائنات الحية عرفناها منين ؟

تمام سؤال مهم جدا , دي تم استنتاجها ووضع نظريات خاصه بها على اساس التجارب التي كانت تحدث داخل المعامل , يعني مثلا مجموعه من العلماء احضروا قارورة بها ماء و تم توصيله بقارورة تانية فيها غاز النيتروجين و الميثان و ثاني اكسيد الكربون و مرروا شرارة كهرية عليهم لفترة و كانت النتيجة المذهلة ان الماء اصبح له لون و تغيرت طبيعته تماما و لما وضعوا عينه منه تحت الميكرسكوب كانت المفاجأة تكون الحمض الاميني الي بيتكون منه البروتين المسئول عن تكوين الجين و الصفات الوراثية ايه رأيك بقى في الحكاية دي ؟
استنى شوية ما تستعجلش في حاجه كمان ملاحظة الكائنات الاولية زي البكتيريا و الفيروسات و الفطريات و الطحالب و ازاي بتتكاثر و التطور الي بيحصلها احيانا لو حصل تغير في الظروف المحيطة حوليها ده غير بقى ان في حيوانات و نباتات لسه موجوده لحد دلوقتي بس نادرة و في اماكن معينه من الارض لم تصل لها اليد البشرية الحديثة و يراقبها العلماء و تقوم عليها ابحاثهم تسمى بحلقة الوصل لانها تحمل صفات تربط بين مرحلتين يعني مثلا نوع من الاسماك لديه خياشيم يتنفس الاكسجين من الماء و كمان رئتين تخزن الهواء التي تحصل عليه من على سطح الماء و دي تعتبر حلقة وصل بين الاسماك و الثدييات زي الحوت و الدولفين هيه ايه رأيك , طيب تعرف ان الفيروسات من الكائنات الي بتعتبر حلقة وصل بين الكائنات الغير حية و الكائنات الحيه فهي تتكون من وحدات بروتينية و مادة وراثية لكنها لاتنشط الى اذا دخلت خلية كائن حي قبل كده بتبقى زي ذرة تراب في الهواء مالهاش اي تأثير .
خلاص اقتنعتوا ان الكائنات الحية مرت بمراحل كتير علشان تتطور ... طيب الحيوانات اتطورت ازاي بعد ما اتكونت الاحماض الامينية و ايه الي ساعد في انها تتنقل من مرحلة لمرحلة تانية اكثر تطور ؟
بصوا بقى بسبب كل الظروف الي احنا بنحكي عنها دي الاحماض الامينية اتحولت لشريط مفرد اسمه رنا (RNA) و بيسموه العلماء عالم الرنا ده كان بيتكون من القواعد النيتروجينية الي بتكون الجين الي بيكون البروتين الي بيكون الصفه الوراثية في الكائنات الحية و شريط الرنا ده تحت الظروف الي كانت بتتغير على الارض كل شوية اندمج مع شريط رنا تاني و كون الDNA ,و من هنا بدأت الرحلة العظيمة لبدأ الحياه على الارض و تطورها
طبعا اكيد هاتسأل و بعد ما حصل كل ده اتطورت ازاي بردو لسه السؤال ما اتردش عليه و هنا نوصل لاهم نقطة في رحلتنا و هي الطفرة طبعا هاتقول يعني ايه طفرة هاقولك يعني تغير بيحصل في التركيب الكيميائي للجينات الموجوده في الDNA بسبب كل الظروف الي قولناها ضوء الشمس و الاشعه الكونية الاتية من الفضاء والحرارة و المواد الكيميائية المنبعثة من البراكين ... الخ الخ  وزي  ما بيقول التعريف العلمي للطفرة انها بتنتج صفات جديده ممكن تكون مرغوب فيها و مفيده للحياه و ممكن تكون غير مرغوب فيها و هنا يدخل بقى الانتخاب الطبيعي الي كان بيخلي في كائنات حية تستمر و غيرها ينقرض و يختفي تمام لحد ما وصلنا الى ارضنا الحالية و حياتنا الي احنا بنعيشها

بعد المشوار الطويل ده هاقولكم سلسلة تطور الحيوان من الكائنات الحية وحيدة الخلية الى عديدة الخلايا الى الكائنات الي بيحميها هيكل خارجي و ماعندهاش عمود فقاري مثل التريلوبيت و النيموليت (الافقاريات) وصولا الى الفقاريات ذات العمود الفقاري مثل السمك و بعدين بعد تكون طبقة الازون بعد زيادة نسبة الاكسجين في الجو بدأت البرمائيات الي بعضها فضل يكمل حياته على الارض بعد تكون مساحات منها وسط مياه المحيط و تحولت الى الزواحف الى اتطورت الى الديناصورات و منها ظهرت الطيور و الثدييات و ظل التطور في طريقة حتى ظهر الانسان و هنا وصلنا لاخر رحلة تاريخ الارض اتمنى ان تكون الحكاية عجبتكم
و الى اللقاء مع حواديت علمية تانية 

كيف نشأت الحياه على الارض و كيف تطورت ؟الجزء الثاني

صباح الفل عليكم 😍
اتكلمنا من فترة عن اصل الحياه على الارض و قلنا إن الارض عمرها ٤،٦ بليون سنه و انها كانت كره ملتهبه بركانية تهبط عليها المذنبات و النيازك بكثافة و حتى هذه اللحظه كان صعب قوي يكون على سطحها حياه لكن سبحان الله بدأت الحياه الاوليه على شكل بكتريا وحيدة الخليه في قلب اللهيب ده 

طيب و بعدين!! النيازك الي كانت بتسقط على سطح الارض كانت محمله ايضا ببدايات الحياه كان فيها مكعبات ثلجية تحتوي على بعض المواد الكيميائيه اهمها البروتين البدائي الحمض الاميني و هو اصل تكون الماده الوراثيه DNA
طيب .. هل في فايده تاني للمذنبات و النيازك؟ 🤔
أكيد طبعا... كانت تحتوي على الماء الي غرق الكره الأرضية بالإضافة إلى الماء الناتج من التفاعل الكيميائي لمكونات الماء على الارض
طيب و بعدين حصل ايه ؟🙄
حتي الآن كانت الطاقه الكيميائيه هي الوحيده مصدر الحياه و النيتروجين و الميثان و ثاني أكسيد الكربون هي المواد الي بتتفاعل لتنتج الحياه
و بعدين الماء غطاء الارض و اتعرضت الخلايا الاوليه للضوء عندها بدأت تعتمد على الضوء وكونت اجزاء في الخليه بتمتص و تنتج الطاقة هي مادة الكلوروفيل الماده الخضرا و بدأت عمليه البناء الضوئي لإنتاج الغذاء 🙄🤔
فعلا و ايه الي حصل وقتها ؟
ظهر نوع جديد من البكتريا اسمه سيانو بكتريا بياخد الضوء و ثاني أكسيد الكربون و يكون المواد الكربوهيدرات ( السكر و النشا ) غذاء له و كمان ينتج غاز جديد ماكنش علي الارض وقتها
مين ؟!! الأكسجين 🐼
و الكلام ده بدأ أمتي ؟؟
الحياه بدأت فعليا علي الارض من ٣،٨،بليون سنه وظهور الأكسجين كان بداية اوليه لتطور الحياه علي الارض ...الماء امتلئ بالاكسجين و لان الأكسجين غاز نشط فابسرعه اتحد مع العناصر الي على الارض و منها الحديد و كون أكسيد الحديد و بدأ يترسب و يكون طبقات صلبه وسط المحيط العظيم و اتطورت الحياه و بقي في نباتات الطحالب و دي نبات بجد لكن بدائية من غير جذر و ساق و اوراق لكن غطت المياه و الارض و زادت نسبه الأكسجين و بدأت حياه الحيوانات تطور هي كمان بفضل النبات و الأكسجين 🌸🌸🌸
ها و بعدين التطور استمر و تقدم و بقى على سطح الارض مش بس تحت المياه وظهرت نباتات السرخسيات ليها جذر و ساق ضعيف شويه و نايم على الارض بس حلو احنا كنا فين و بقينا فين وليه كمان أوراق تعمل بناء ضوئي و الأكسجين يكتر و يكون الغلاف الجوي بتعنا الي نعرفوا دلوقتي الي هو فيه ايه ؟؟؟💎💪🙋
اهم حاجه طبقة الأوزون الي احنا بهدلناها دلوقتي و هي عباره عن غاز يتكون من جزئ من ٣ذرات اكسجين بتحمي الارض من خطر الاشعه الفوق بنفسجيه الي كانت بتقضي على اي فرصة حياه على الارض قبل تكون طبقة الأوزون 🙆👼
بعد كده بدأ التطور يبقى اسرع ، تطور من السرخسيات الي ماكنش عندها بذور و تتكاثر و تزيد بانتشار الجراثيم في الهواء (حبوب دقيقة جدا لا ترى بالعين المجرده) الى نباتات لها بذور و لكن بلا ازهار زي الصنوبر و بعدين اخيرا نباتات لها ازهار تغطي الارض تتكاثر بالبذور ذات الفلقه الواحده مثل القمح و الذره و فلقتين مثل البسله و الفاصوليا و هكذا من النبات الي نعرفها دلوقتي
رحلة طويله جدا مر بيها النبات و الحياه على الارض تستحق اننا نحافظ عليها دلوقتي .... اسيبكم بقى و نتكلم المره الجايه عن تطور الحيوان و الديناصورات.... سلام 😍😘

كيف نشأت الحياه على الارض و كيف تطورت ؟الجزء الاول

 
سؤال حير العلماء قديما و كتب الكثير من الدراسات و المشاهدات لعالم الحيوان و النبات بأنواعها المختلفه و من أهمها كتاب اصل الحياه لريتشارد داروين ,و هل استطاعوا الاجابه علي هذا السؤال ؟
الحقيقة لم يجدوا اجابه واضحه و برغم رحلات داروين التي أثارت في عقله الكثير من الاسئله إلا أنه لم يستطيع الاجابه عن أسباب تنوع الكائنات الحيه و كيف تطورت على الارض ,طيب ليه لم يجد اجابه؟ 
لم يجد اجابه لسببين هما..
الاول ان ميزانية الرحله لم تسمح له بالاستمرار و اضطر للعوده الي موطنه
و السبب التاني عدم تطور العلوم في زمنه .
طيب هل توجد اجابه الان ؟
طبعا و مازالت الأبحاث مستمره و الاكتشافات تتطور مع تطور فروع العلوم و أدواته.
طيب ايه الي توصل له العلماء حتى الان؟
بعد تطور علم الفيزياء و الكيمياء اكتشف أن كوكب الارض عمره ٤.٦ بليون سنه و أنه في بداية تكونه كان مثل كره من النار الملتهبه و أثناء دورانه حول الشمس بفعل الجاذبية بسرعة كبيره اصطدم به كوكب في مثل حجم كوكب المريخ و ادي الي انفصال جزء منه دار حولها بفعل الجاذبية و تكون القمر الذي يرجع له الفضل في بداية نشأت الحياه علي الارض
ازاي استطاع القمر أن يساعد الارض علي وجود حياه عليها ؟
ده سؤال مهم
بص يا سيدي القمر أبطئ من سرعة دوران الأرض حول نفسها و حول الشمس مما ساعد علي أن تكون جاذبية سطحه مناسبه لاستقرار الماء عليه و تجمع الغازات حوله لتكوين غلاف جوي
طيب لسه ما عرفناش كيف نشأت الحياه على الارض
ما انا جايلك في الكلام اهه ما تستعجلش ،مع بطئ دوران الأرض بدأت درجة حرارة الكوكب تنخفض و المواد الثقيلة الكثافه تستقر في باطن الارض و الأقل كثافه تطفوا على السطح لكن باطن الارض كان شديد السخونه و كانت البراكين تنفجر بشكل مستمر ومما ادي الي ان سطح الأرض كله يتغطى بالادخنه و الغازات و منها كبريتيد الهيدروجين و النيتروجين و ثاني أكسيد الكربون و نتيجه لسقوط النيازك و المذنبات بكثافه لان مافيش غلاف جوي بدأت التفاعلات الكيميائيه بين جزيئات المواد التي تملأ الارض و ده ادي إلا تكون غاز الميثان و بخار الماء و حمض الكبريتيك و هذا الذي كون الغلاف الجوي الأول للأرض و قد وجد علماء الجيولوجيا في احد الكهوف القديمه في استراليا التي توجد بالقرب من أحد البراكين انواع من البكتريا تعيش في جو من حمض الكبريتيك المركز و تعتمد عليه في الحصول على الطاقة الكيميائيه التي تساعدها علي الحياه و التكاثر و لذلك استنتج العلماء أن بداية الحياه على الارض كانت عباره عن حياه ميكروبيه من أنواع البكتيريا التي تعتمد علي حمض الكبريتك و ثاني أكسيد الكربون حتى بدأعصر تكون المحيطات الضخمه بفعل تكون بخار الماء نتيجة لاتحاد الجزيئات و التفاعل الكيميائي بين الهيدروجين و الأكسجين الموجود في ثاني أكسيد الكربون و من الثلج المتجمد في النيازك و المذنبات الذي كان ينصهرعند وصوله الي الارض عندها انتقلت الحياه الي مرحله أكثر تطورا مرحلة تكون النبات الذي يعتمد على الطاقة الشمسية و ليس الكيميائيه كماكان حال البكتريا القديمه ... موعدا الحلقة القادمه علشان نكمل الحكايه و نكتشف كيف تكون النبات على الارض و تطورت الحياه معه ؟

ماذا تعرف عن النجوم ؟

 

اجسام مضيئة تشع ضوء و حراره مثل نجم الشمس 
دي معلومه نعرفها اول ما ندخل سنه رابعه ابتدائي 
طيب لما نكبر شويه و نبقي في اعدادي ؟
نعرف انها كره من الغاز الملتهب تتكون من هيدروجين و هيليوم.
 
طيب تعرف أن النجوم تولد و تعيش فترات مختلفه طفوله و شباب ثم تشيخ و تموت ؟ 

و السؤال الان هو ازاي ده بيحصل ؟

الغازات و الغبار الذي يملأ الفضاء بعد الانفجار العظيم و انفجار النجوم الضخمه عندما ينتهي عمرها و تعرف بإسم السوبر نوفا و الذي يتجمع بفعل قوة الجاذبيه بين جزيئات الغاز و الغبار علي شكل سديم، تتولد بفعل قوة الجاذبيه ضغط و حرارة شديده تكون كتله كبيره تتجمع مكونه غاز الهيدروجين و بعض العناصر الثقيله الذي ينتج عن تجمعها كرة الغاز التي تعرف بالنجم و يختلف انواع و احجام النجوم حسب مقدار الكتله التي تتجمع بفعل الجاذبيه و عند زيادة الضغط و الحراره تبدأ مرحلة الاندماج النووي بين انوية الهيدروجين التي تتحد لتنتج أنوية الهيليوم و تنطلق طاقه نوويه هائله يصل منها الجزء البسيط الي الارض حسب قرب أو بعد النجم عنا 

طيب فين مرحلة الطفوله ؟
لما الكتله تتجمع و تكون كره الغاز بس الاندماج النووي يكون لسه مابدأش و تكون الحراره و الضوء ضعيفه بفعل الضغط و الجاذبيه فقط
طيب و مرحلة الشباب ؟لما يبدأ الاندماج النووي بين أنوية الهيدروجين و انطلاق الطاقه الهائله و دي المرحله التي تقع فيها شمسنا الان
طيب و الشيخوخه ؟
عندما تبدأ نسبة الهيدروجين التي تحيط بالنجم في الاختفاء و يحل محلها الهيليوم و تزداد نسبة العناصر الثقيلة مثل الحديد و يبدأ النجم في التمدد و يصبح لونه احمر بعد أن كان ابيض مثل الشمس و بعض النجوم الاخري أو ازرق مثل النجوم الضخمه شديدة الحراره
و كيف تموت ؟
تختلف الطريقه حسب كتلة النجم و حجمه النجوم المتوسطه الحجم مثل الشمس تموت في هدوء و سلام بعد أن ينتهي الهيدروجين و لا يصبح لديها سوي الهليوم و نسبه بسيطه من العناصر الثقيله تنكمش علي نفسها و تصبح نجم قزم ابيض قليل الضوء و الحراره و يقال إنه بعد فتره يتلاشى تماما و يصبح الحراره التي تسبح في خلفية الكون و أن كان هذا لم يرصد حدوثه الي الان أما النجوم الضخمه و عند انكماشها يزداد الضغط و الحراره مع قوة التجاذب بين جزيئات العناصر الثقيله فيحدث انفجار السوبر نوفا و بفعل هذا الانفجار الضخم للنجم يتكون اما النجم النيوتروني لان البروتينات و الالكترونات التي تكون الذره للماده التي يتكون منها النجم تندمج بفعل الحرارة الشديدة متحوله كلها الي نيترونات أو يكون الانفجار اكثر شده فيتحول النجم الي ثقب اسود
طيب عرفنا الكلام ده كله ازاي يرجع الفضل لتلسكوب هبل الفضائي في البدايه ثم الي المراصد التي اطلقت في الفضاء بعد ذلك و قد تأكد علماء الفلك من كل هذه المعلومات بعد تطور أجهزة رصد الفضاء في القرن ال٢١