صباح الخير
فكرت كتير في بداية كتابة حكاية الكهرباء بس الحقيقة الموضوع كبير جدا و ساهم فيه عدد عظيم من علماء الفيزياء و الكيمياء و الاحياء 🤔 اه والله كل واحد قدم فكره او تجربه و حتى توصل لقانون كان ليه دور جبار في وصول الكهرباء لحد ايدك لدرجه انه بدوسه واحده على زر واحد العالم كله يبقى بين ايديك و الدنيا تنور حوليك .. عموما يلا نبتدي الحكايه
و بعدين ايه الي حصل .. ابدا طلعوا كلام اسطو عن الذرة من الصندوق و بدأوا يفكروا في الظواهر الي بتحصل حوالينا طول الوقت و تحديدا لما تم اكتشاف الميكروسكوب و العدسات المكبره المواد و الاجسام الي حوالينا الرؤية بقت أوضح .. بمعنى ؟
توصلوا إلى أن المادة: عبارة عن عنصر من ماده واحده او مركب من مادتين و او اكثر و انها مقسمه الى جزيئات صغيره والجزيئات مقسمه الى ذرات هنا نوصل لموضوعنا 🙄
أثناء محاولات العلماء الدائمه لكشف غموض الطبيعه التي تحيط بنا و ترهبنا كان كل علم يسلم الرايه لمن بعده ليفتح باب آخر من الابواب المغلقه و هنا جه دالتون ليصل إلى تصور معين لتركيب الذره و انها وحدة البناء الاساسيه للماده و الي بتكون الجزيئات الي بتكون الماده و تتحكم في كل صفاتها و خصائصها الفيزيائيه ..
و جه بعد دالتون طومسون و عمل أنبوبة اشعة الكاثود و من خلالها اكتشف أن العناصر تحتوي داخل ذراتها على جسيمات صغيره سالبة الشحنه لأنه بمجرد تشغيل أنبوبة الكاثود و توصيلها بمصدر كهربي انطلق شعاع ينجذب ناحيه القطب الموجب للمصدر الكهربي وينحرف اتجاهه بتأثير المغناطيس من هنا اكتشف أن ذرة العنصر تحتوي على جسيمات سالبه سميت بالالكترونات و عرف أن التيار الكهربي عباره عن سريان الجسيمات السالبه الي تعرف باسم الالكترونات خلال العنصر
يعني كلام طومسون كان أن الذره عبارة عن جسيمات موجبه و سالبه داخل كرة الذره لحد ما جه راذرفورد و اكتشف بالتجربة أن الذره عبارة عن نواه موجبه ذات كتلة مكثفه و يدور حولها الالكترونات السالبه لكن بوهر كان عنده رأي تاني توصل به لخطأعند راذرفورد و هو أنه قال إن الالكترونات تدور في مدار دائري حول النواه و نظرا لصغر كتلة الالكترون فمن الطبيعي أن يسقط داخل النواه و تنهار الذره مع الوقت لكن هذا لا يحدث بينما كان ما توصل إليه بوهر إلى إن الالكترونات تدور في مدارات ثابته بسرعه فائقه و لها طاقه معينه و يمكنها التنقل خلال مستويات الطاقه (المدارات)عند تغير طاقتها بالنقص أو الزياره و سميت هذه الطاقه بالكوانتم و من هنا بدأت نظرية الكم لكن مش ده موضوعنا احنا بنتكلم عن الكهربا
عرفنا أن التيار الكهربي الي بيوصلنا لحد بيتنا عباره عن سريان الشحنات السالبة الي بتعرف باسم الالكترونات الي هي من مكونات الذره الي بتكون الجزيئات الي بيكون العنصر بتاع الماده بس خلي بالكم علشان يوصلك التيار الكهربي لازم يكون العنصر اصلا بيوصل الكهربا مش ماده عازله.. طيب يعني ايه الكلام ده ؟ هو ده موضوع حكايتنا الجايه عن الكهربا بردو احنا لسه ماخلصناش الحكاية .. طيب هانكلم عن ايه المره الجايه🤔........... الكهرباء الساكنه 😊😴🙄
ليست هناك تعليقات:
إرسال تعليق